11/21/2024
Today from Hiiraan Online:  _
Wararka Maanta- Sabti, Nov 16, 2024
Habraaca iyo Jadwalka Doorashooyinka Xildhibaanada iyo Madaxweynaha Jubaland oo la shaaciyay

Sabti, October, 16, 2024 (HOL) - Guddiga Doorashooyinka Jubaland ayaa caawa shaaciyey Habraaca iyo Jadwalka Doorashooyinka Xildhibaanada iyo Madaxweynaha Jubaland.

Habraaca waxaa ku lifaaqan sidoo kale Jadwalka maalmaha la qabanayo Doorashooyinka soo xulista Xildhibaanada Jubaland iyo doorashada Madaxweynaha Jubalanad.

18ka iyo 19ka Bishaan ayaa la shaacin doonaa Xildhibaanada Baarlamaanka Jubaland, waxaana xigi doona in 20ka Bisha la qabto araaji qabashada musharixiinta Gudoonka Baarlamaanka Jubaland.

21ka Bishaan ayaa lagu wadaa in la doorto Gudoomiyaha iyo Kuxigeenada Baarlamaanka Jubaland sida lagu cadeeyay Jadwalka Doorashada ay Guddiga soo saareen.

Sidoo kale Jadwalka waxaa lagu xusay in maalinta 25ka Bishaan November ay si toos ah u dhici doonto doorashada Madaxweynaha Jubaland.

Tani waxaa ay sii murjin doontaa Xaalada khilaafka siyaasadeed ee ka dhex taagan Dowladda Federaalka iyo Jubaland.

HALKAAN HOOSE KA AKHRISO HABRAACA DOORASHADA IYO JADWALKA.