Hiiraan Online

Jimco, October, 15, 2024 (HOL) - Ciidamada Kenya ee qeybta ka ah howlgalka Midowga Afrika ee Soomaaliya (ATMIS) ayaa si rasmi ah ugu wareejiyay Saldhigga Buurgaabo ee gobolka Jubbada Hoose ciidamada xoogga dalka Soomaaliyeed (SNA) iyo kuwa Jubbaland.

Wareejintan ayaa qeyb ka ahayd istiraatijiyad loogu talagalay in si tartiib tartiib ah loo dhimo joogitaanka ciidamada Midowga Afrika ee Soomaaliya, taasoo u sahlaysa dowladda Soomaaliya in ay si buuxda ula wareegto mas’uuliyadda amniga qaranka.

Dhimista ciidamada ATMIS, oo ah arrin xudun u ah heshiiska ballaaran ee lagu xoojinayo ciidamada qalabka sida Soomaaliya, ayaa la filayaa in la dhammeeyo dhammaadka 2024ka.

Wareejintan waxaa lagu sheegay inay muujinayso tallaabo muhiim ah oo ciidamada Soomaaliya ay iskugu diyaarinayaan in ay hoggaamiyaan difaaca qarankood.

Soomaaliya ayaa doonaysa isku filnaasho xagga amniga ah, inkastoo Qaramada Midoobay iyo Midowga Afrika ay ka digayaan halista kooxda Alshabaab oo weli awood muuqata ku leh Koonfurta iyo bartamaha Soomaaliya.